"Боруссия" Дортмунд сўнгги дақиқалардаги гол эвазига ғалабани қўлга киритди!

Германия Бундеслигаси 12-туридан ўрин олган "Вердер" - "Боруссия" Дортмунд баҳси якунланди.

Ўтган турда "Штутгарт"дан шармандали мағлубиятни қабул қилиб олган "асаларилар" Бременда "Вердер" устидан ўта қийин ғалабани қўлга киритди. Дастлаб, 12-дақиқада Рафаэль Геррейро ҳисобни очган бўлса, 28-дақиқага келиб, мезбонлар футболчиси Ховальд ҳисобни тенглаштирди. Ўйин сўнгида дортмундликлар пенальти ишлади. Пенальтини биринчи уринишда голга айлантира олмаган Ройс қайтган тўпни дарвозага жойлаб қўйди ва жамоасининг ғалаба голига муаллифлик қилди.

Ўйиндаги ғалабадан сўнг, "Боруссия" Дортмунд очколарини 22тага етказиб, 4-ўринга чиқиб олди.