Браим Диас "Милан"га қайтиши мумкин

«Реал» яримҳимоячиси Браим Диас яна «Милан»га қайтиши мумкин.

Экрем Конур тарқатган маълумотларга кўра, «россонери» ёзги трансфер ойнасидан унумли фойдаланиб, мароккалик футболчини яна жамоага қўшиб олиш имконияти бор, деб ҳисобламоқда. Аввалроқ Браим Диасга «Ливерпуль» ҳам жиддий қизиқиш билдиргани ҳақида хабарлар чиққан эди. Агар «Реал» Диас бўйича манфаатли таклиф қабул қилса, клуб яқин орада Мадридга келиши кутилаётган Ян Диоманде трансфери фонида бу вариантни кўриб чиқиши мумкин.

Эслатиб ўтамиз, Браим Диас 2020–2023 йиллар оралиғида «Милан» шарафини ҳимоя қилган. Марокка терма жамоаси аъзосининг «Реал» билан амалдаги шартномаси 2027 йил 30 июнига қадар мўлжалланган. 2025/26 йилги мавсумда яримҳимоячи мадридликлар сафида барча мусобақалар ҳисобида 42 та ўйин ўтказиб, 2 та гол урди ва 9 та голли узатма муаллифига айланди.