Бразилия футболчилари биздан зўрмас!

“Атлетико”нинг энг қимматбаҳо ўйинчиси Жоау Феликс йил охирида Қатарда бўладиган жаҳон чемпионатида Португалия терма жамоасининг Бразилия футболчиларига тўқнаш келиши мумкинлиги ҳақидаги саволларга жавоб қайтарди.

Португалиялик ҳужумчи жамоадошлари кўпкарра жаҳон чемпионларидан тажриба ва маҳорат бобида асло қолишмаслигига ишонч билдирмоқда.

- Бразилиянинг ажойиб ўйинчилари бор, лекин улар Португалия терма жамоасидан зўр эмас, - деди Жоау Феликс.

22 ёшли ҳужумкор футболчи Португалия терма жамоасида 22 та учрашувда қатнашиб, рақиблар дарвозасига учта тўп киритган.