Бразилия МТЖнинг янги бош мураббийи қачон эълон қилиниши аниқ бўлди

Жаҳон чемпионатида кутилган натижани қайд эта олмаган Бразилия миллий терма жамоасида бош мураббий истеъфо берганди.

Мамлакат футбол конфедерацияси матбуот хизмати тарқатган хабарга кўра, янги бош мураббий номи 2023 йилнинг январь ойида маълум қилинади. "БФК раҳбари Эдналдо Родригеснинг шахсан ўзи мустақил равишда номзод қидирмоқда. У ҳеч кимга ташкилот номидан янги мураббий излашга рухсат бермаган",-дейилади баёнотда.

"Пентакампеонлар"нинг амалдаги устози Тите жамоани 2016 йилдан бери бошқариб келаётганди. Бу вақт оралиғида бразилияликлар икки бор ЖЧ плей-оффида ўз юришини тўхтатди.