Бразилияда Роналдо шунчаки семиз одам

Роналдо тарихдаги энг зўр футболчилар қаторида эсланадиган инсондир. У 1994 ва 2002 йилларда Бразилия билан жаҳон чемпиони бўлди. Аммо Каканинг айтишича, ўз ватанида собиқ ҳужумчини бошқачароқ қабул қилишади.  

“Буни айтиш ғалати, лекин кўпчилик бразилияликлар ўз ватанини қўллаб-қувватламайди. Агар кўчада Роналдони кўриб қолишса, у бошқалар учун шунчаки семиз одам. Албатта, Роналдони ҳамма бразилияликлар яхши кўради. Аммо бизни юртда юлдузларни ҳурмат қилиш бошқа жойларга қараганда анча фарқ қилади”, деди Кака.

“Пентакампеонлар” мундиалнинг чорак финалига қадар етиб келди. Уларни бу босқичда Хорватияга қарши баҳс кутмоқда.