Бразилиялик супер футболчи фаолиятини Италияда давом эттириши мумкин

"Ювентус" собиқ юлдузи Дуглас Коста фаолиятини Италия Д Сериясида давом эттиришга яқин.

Ўз вақтида Туриннинг "Ювентус", Мюнхеннинг "Бавария" клублари ва Бразилия терма жамоасида ёрқин ўйинлари билан кўплаб мухлислар орттирган Дуглас Коста Италия Д Сериясида иштирок этаётган "Кьево" клубида тўп тепиши мумкин. Коста Австралиянинг "Сидней" клуби билан хайрлашганидан сўнг эркин агентга айланган. У ҳозирда бутсиларини михга илиш ҳақида ўйламаяпти. Манбага кўра, футболчи аллақачон "Кьево"да ўйнашга розилик берган.

Маълумот учун, "Кьево" айни вақтда Д Серияда иккинчи ўринни эгаллаб турибди.