Бразилиянинг навбатдаги жаҳон чемпионатидаги бош мураббийи Анчелотти бўлиши кутиляпти

Бразилия терма жамоаси ҳали ҳам Карло Анчелоттига қизиқиш билдирмоқда.

"Реал" Чемпионлар лигасидан чиқиб кетганидан сўнг, Мадрид жамоаси бош мураббийи ва клуб президенти Флорентино Перес йиғилиш ўтказиб, келажак ҳақида муҳокама қилишди. Анчелотти яна бир мавсум клубда қолиши кутилмоқда.

Бразилия Футбол Конфедерацияси (CБФ) президенти Эдналдо Родригес Анчелоттини таклиф қилиш истиқболларини тушуниш учун ушбу учрашув натижасини кутди. У мураббий билан тўғридан-тўғри музокаралар олиб бораётган Какага италиялик мутахассис хизматига қизиқиш 2024 йилгача узайтирилганини айтди.

CБФ раҳбари Анчелоттининг 2024 йилги Америка кубоги якунланганидан кейин терма жамоани бошқариши ва 2026 йилги жаҳон чемпионатида жамоани бошқаришидан манфаатдор.

Рамон Менезес ҳозирда Бразилия терма жамоаси бош мураббийи вазифасини бажарувчи ҳисобланади.