Британиялик боксчи Криштиану Роналду билан жанг қилмоқчи

Британиялик собиқ боксчи ва "Манчестер Сити" мухлиси Рики Хаттон орзусидаги рақиби ҳақидаги саволга жавоб берди.

“Эҳтимол, Криштиану Роналдуни айтарман. Мен ҳеч қачон Криштиану билан учрашмаганман. Менимча, у яхши йигит, “Манчестер Юнайтед”да ажойиб ўйинлар намойиш этган. Тўғриси, у билан жанг қилишни хоҳлайман" – деб Хаттоннинг сўзларини келтирди "Goal.com".

Маълумот учун, португалияк футболчи "Манчестер Юнайтед" да 2003-2009 ва 2021-2022 йилларда тўп тепган. У “қизил иблислар” сафида барча мусобақаларда 346 та ўйинда қатнашиб, 145 та гол ва 64 та голли узатмани амалга оширган.