Бруну Фернандеш "Манчестер Юнайтед"дан кетиб қолиши мумкин

«МЮ» ярим ҳимоячисининг клуб билан шартномаси охирги йилига кирди. Саудия Арабистони чемпионатида иштирок этаётган бир қатор клублар «Манчестер Юнайтед» сардори Бруну Фернандешнинг ҳолатини диққат билан кузатмоқда. 

Football Insider нашрининг ёзишича, улар октябр ойида ёпиладиган трансфер ойнаси якунлангунча португалиялик футболчини қўлга киритиш учун уриниб кўриши мумкин.

Маълумотларга кўра, клуб раҳбарияти ярим ҳимоячи билан келишувни узайтириш имкониятини кўриб чиқаётгани ҳақида хабарлар тарқалган. Бироқ манбалар таъкидлашича, ҳозирча томонлар ўртасидаги музокаралар сезиларли даражада илгариламаган.

Бруну Фернандеш «Манчестер Юнайтед» сафида 2020 йилдан бери тўп сурмоқда. У англиялик клуб таркибида Кубок Англия ва Англия Лигаси кубогини қўлга киритган.