Бруну Фернандеш АПЛда мавсумнинг энг яхши футболчиси деб топилди

"Манчестер Юнайтед" ярим ҳимоячиси Бруну Фернандеш Англия Премьер лигасининг 2025/26 йилги мавсумида энг яхши футболчи деб топилди.

Португалиялик футболчи мухлислар ва экспертлар ўртасидаги овоз бериш натижаларига кўра ғолиб бўлди. У "Арсенал" ҳимоячиси Габриэл Магальяэс, "Ноттингем Форест" вакили Морган Гиббс-Уайт, "Манчестер Сити" ҳужумчиси Эрлинг Холанд, "Арсенал" футболчилари Давид Райя ва Деклан Райс, шунингдек Антуан Семеньо ҳамда Игор Тиагони ортда қолдирди.

Эслатиб ўтамиз, Бруну Фернандеш жорий мавсум АПЛда 34 та учрашувда майдонга тушиб, 8 та гол урди ва 20 та голли узатмани амалга оширди.