Бруну Фернандеш: "Роналдуни танқид қилишда давом этинг"

Жаҳон чемпионати 1-туридан ўрин олган Португалия - Гана учрашувида европаликлар 3:2 ҳисобида зафар қучди.

Ўйиндан кейин португалияликлар юлдузи Бруну Фернандеш жамоадоши Криштиану Роналду манзилига бўлаётган танқидлар ҳақида гапирди:

"Менимча, у босим остида ишлашни ёқтиради. Шунинг учун барчангиздан илтимос қиламан: "Илтимос, Роналдуни танқид қилишда давом этинг! Ана шунда биз уни энг яхши формада кўрамиз.

Клуб ва терма жамоада Криштиану билан бирга ўйнаш бу - ушалган орзу, ўзига хос нарса. Бироқ мен учун асосийси Португалия имкон қадар яхшироқ ўйин кўрсатиши. Шунда Роналду, мен ва бутун халқимиз хурсанд бўлади",-деди МЮ футболчиси.