Бруну Фернандеш: "Сен кетсанг, хафа бўлмаймиз" қабилида гаплар айтишган

Португалиялик ярим ҳимоячиси Бруну Фернандеш "Манчестер Юнайтед"даги ҳолати ҳақида гапирди.

"Клубим мени ёзда кетишимни истади ва бу нарса менинг миямга ўрнашиб қолди. Мен бу ҳақида клуб раҳбариятига айтганман, бироқ улар мени сотиб юборишга журъат топа олишмади деб ўйлайман. Оилавий сабабларга кўра Манчестерда қолишга қарор қилдим ва буни клубимни чин дилдан яхши кўрганим сабаб амалга оширдим. Аморим билан суҳбат менга қаттиқ таъсир қилганди. Лекин раҳбарият томонидан "Сен кетсанг, унчалик хафа бўлмаймиз" қабилидаги гапларни эшитганман.

Бу нарса менга жуда оғир ботганди. Жамоанинг натижаларида мени айбдор қилиш учун асос йўқ эди. Мен доим жамоа учун қўлимдан келган барча ишни қиламан. Кейин атрофга қарайман ва клуб қадри учун ҳаракат қилмайдиганларни кўриб, хафа бўлиб кетаман", - деди Бруну.

Маълумот учун, 31 ёшли хавбек жорий мавсум барча мусобақаларда умумий 17 та учрашувда майдонга тушиб, 5 та гол урди ва 7 та голли узатмани амалга оширди.