"Бу "чандиқ" мен билан абадий қолади" - пенальтилар сериясида гол ура олмаган Бразилия ҳимоячиси пост жойлаштирди

Бразилия миллий терма жамоаси ҳимоячиси Маркиньос "пентакампеонлар"нинг Жаҳон чемпионатидаги муваффақиятсиз иштироки ҳақида фикр билдирди.

"ЖЧ-2022 якунига етди. Ҳаётимдаги рўй берган энг қайғули лаҳзадан кейин бир неча кун ўтди. Бу қандай содир бўлганини ҳалигача тушунмайман ва ўша пайтдаги ҳиссиётларни тасвирлашга сўз топа олмаяпман. Мен вақтимни ижтимоий тармоқлардан узоқда ўтказдим. Лекин бугун ушбу постни жойлашга қарор қилдим.

Оилам, дўстларим ҳамда вақт менга бу оғир дақиқаларни ортда қолдиришга ёрдам берди. Бу "чандиқ" мен билан абадий қолади ва мен бунинг учун жавобгарман. Мен туфайли азоб чекаётган ҳар бир кишининг қувончини кўриш учун имкон қадар тезроқ қайтишни мақсад қилганман. Бу жамоанинг бир бўлаги эканлигимдан фахрланаман. Афсуски, натижа биз кутгандек бўлмади.

Хабар ёзган, мен ҳақимда қайғурган дўстларимнинг барчасига чин қалбимдан миннатдорчилик билдираман. Сизнинг қўллаб-қувватлаганингиз менга қай даражада ёрдам берганини тасаввур ҳам қила олмаймиз!

Агар Худо менга яна синов юборса, уни енгиб ўтаман. Ҳаёт давом этмоқда, янги мақсадлар сари ҳаракат қилиш вақти келди. Ўзимни яхши ҳис қиляпман ва бунга тайёрман!

Сени яхши кўраман, Бразилия!",-дея ёзиб қолдирди ҳимоячи.

Маълумот учун, Маркиньос мундиал чорак финал босқичи доирасидаги Хорватияга қарши беллашувнинг пенальтилар сериясида хатога йўл қўйиб, жамоаси мағлубиятига асосий сабабчилардан бири бўлиб қолганди.