Bu futbolchi rosa aqlli ekan

“Manchester Yunayted” bosh murabbiyi Erik ten Xag yaqinda 65 million evro evaziga “Chelsi”dan manchesterliklar safiga qo‘shilgan Meyson Mauntni maqtamoqda.

- Meysonning “Chelsi”dagi o‘yinlarini ko‘rganlarning hammasi undan nima kutish kerakligini yaxshi biladi. Maunt aqlbovar qilmas darajada aqlli futbolchi. Bundan tashqari, juda mehnatsevar.

Meyson Maunt jamoamiz harakatlariga qo‘shimcha quvvat berib turadi, - dedi niderlandiyalik murabbiy yangi o‘yinchisi haqida.

Meyson Maunt “Chelsi”ning eng iqtidorli tarbiyalanuvchilaridan. U 24 yoshida Evropa Chempionlar ligasida g‘olib chiqqan. “Aristokratlar” uni olib qolmoqchi edi. Biroq, futbolchi klub rahbariyati bilan chiqisha olmay qolgani uchun Londonni tark etishga qaror qildi.

Maunt Manchester shahri klubida Krishtianu Ronaldudan qolgan 7-raqamda o‘ynaydigan bo‘ldi.