Бу гал Германияга! “Манчестер Сити” яна бир ҳимоячини сотиб юборди
Англиянинг “Манчестер Сити” клуби мутасаддилари ҳимоячи Жахмай Симпсон-Пьюзи Германиянинг “Кёльн” жамоасига тўлиқ трансфер асосида ўтганини расман эълон қилди.
20 ёшли инглиз футболчиси ўтган мавсумнинг иккинчи ярмини ижара асосида “Кёльн” сафида ўтказиб, 11 та учрашувда майдонга тушган эди.
Бундеслигада 14-ўринни эгаллаган Германия клуби ҳимоячининг ўйинидан мамнун бўлиб, уни 5 миллион евро эвазига сотиб олиш бўйича “Манчестер Сити” билан келишувга эришди.
Клуб академиясида 12 йил тўп сурган Симпсон-Пьюзи “шаҳарликлар” асосий жамоаси сафида 6 та ўйин ўтказган. У “Кёльн” билан 2030 йилнинг ёзигача мўлжалланган шартнома имзолади.
Фикрлар