Бу ҳимоячи менга ўйин бермаган!

“Манчестер Юнайтед” ҳужумчиси Эдинсон Кавани фаолияти давомида ўзига қарши ўйнаган энг кучли ҳимоячи кимлигини айтди.

Мен жуда кўп яхши ҳимоячиларга қарши ўйнаганман. Лекин Жоржо Кьеллини рақобатдан ташқарида. У жуда “ёпишқоқ” ҳимоячи ва у менга  майдонда хотиржам ҳаракат қилиш имконини бермаган, - деди Эдинсон Кавани.

Кавани – Кьеллини дуэли А Серия ўйинларида кузатилган. 37 ёшли Кьеллини “Ювентус”нинг энг ишончли ҳимоячиси ҳисобланса, уругвайлик ҳужумчи “Палермо” ва “Наполи”да унга қарши тўп тепган.