Бу ҳолат Ҳусанов учун сенсация!
Нуфузли манба – Transfermarkt портали жаҳоннинг барча футбол конфедерациялари бўйича футболчиларнинг трансфер қийматлари кўрсатилган рейтингларни эълон қилди. Унда ҳар бир конфедерация бўйича энг қиммат ўйинчилар кўрсатилган.
Рейтингдаги янгиланиш яқинда амалга оширилган бўлиб, жаҳон футбол бозоридаги жорий ҳолатни акс эттиради.
Рақамларни тушуниш учун “конфедерация” нима эканини изоҳлаш муҳим. Футбол олами бир нечта минтақаларга бўлинган. Ҳар бир минтақада миллий федерацияларни бирлаштирувчи ва мусобақалар ўтказувчи ўз конфедерацияси мавжуд.
Осиё футбол конфедерацияси (AFC)
Осиё футбол конфедерация энг катта – бир томондан Япония ва Жанубий Кореядан тортиб Ўзбекистон, бошқа тарафдан Саудия Арабистони ва Австралиягача бўлган ҳудудларни бирлаштиради.
Осиёнинг энг қиммат футболчиси “Манчестер Сити”да ўйнаётган Абдуқодир Ҳусанов бўлди. Ўзбек футболчиси 21 ёшда, Ўзбекистон миллий терма жамоасининг асосий марказий ҳимоячиси ҳисобланади.
Ҳусановнинг бугунги кундаги ттрансфер қиймати 35 миллион еврони ташкил қилмоқда. Ҳусанов ўз юришини Ўзбекистондаги футбол мактабидан бошлаб, қисқа фурсатди Осиёдек ҳудуди энг улкан минтақанинг энг қиммат ўйинчиси даражасигача бўлган йўлни босиб ўтди.
Таъкидлаш керакки, шу пайтга қадар бирор ўзбек футболчиси Ҳусанов даражасига чиқа олмаган ва Абдуқодирнинг бугунги кундаги кўрсаткичлари ўзбек футболи учун ҳақиқий сенсация ҳисобланади.
Абдуқодир ҳали ёш бўла туриб, Япониянинг номдор юлдузларини ортда қолди. Хусусан, қитъанинг энг қиммат ўйинчилари рейтингида иккинчи ўринни эгаллаган 28 ёшли чап қанот ҳужумчиси Каору Митома 30 миллион еврога баҳоланган ва Англияда тўп тепаётган бу футболчи тезлиги ва дриблинглари билан машҳур.
Кучли учликка киритилган кунчиқар юртнинг яна бир вакили – 24 ёшли Такефуса Кубо ўнг қанот ҳужумчиси ҳисобланади. Испанияда ўйнаётган энг техникаси кучли япон футболчиси ҳам 30 миллион еврога баҳоланган.
Африка футбол конфедерацияси (CAF)
CAF Марокашдан Жанубий Африка Республикасигача бўлган Африка мамлакатларини бирлаштиради.
Ашраф Ҳакими – энг қиммат африкалик футболчи. 27 ёшли ўнг қанот ҳимоячиси Марокаш терма жамоаси ва “Пари Сен-Жермен” клубида муваффақиятли фаолият олиб бормоқда. Унинг бугунги кундаги трансфер қиймати 80 миллион еврога тенг.
Кейинги ўринлардан қуйидаги футболчилар жой олди:
Брайан Мбемо, 26 ёш, Камерун терма жамоаси ўнг қанот ҳужумчиси – 75 миллион евро.
Виктор Осимхен, 27 ёш, Нигерия терма жамоаси марказий ҳужумчиси – 75 миллион евро.
Шимолий ва Марказий Америка ҳамда Кариб ҳафзаси (CONCACAF)
Навбатдаги жаҳон чемпионатини мана шу конфедерацияга кирувчи АҚШ, Мексика ва Канада қабул қилади.
Кристиан Пулишич ўз минтақасининг энг қиммат ўйинчиси. 27 ёшли ҳужумкор футболчи АҚШ терма жамоаси аъзоси ҳисобланади. Европадаги энг машҳур америкалик чарм тўп усталаридан бирига айланган Пулишичнинг трансфер нархи 60 миллион еврони ташкил қилади. ва футболчи — Кристиан Пулишич, 27 ёш, АҚШ термаси вингери. Қиймати — 60 млн евро. У Европадаги энг машҳур америкалик футболчилардан бири.
Кейинги ўринларда қуйидаги юлдузларни кўриш мумкин:
Альфонсо Дэвис, 25 ёш, Канада термаси чап қанот ҳимоячиси – 50 миллион евро. У фаолиятини Канадада бошлаб, кейин Европада юлдузга айланган.
Малик Тиллман, 23 ёш, ҳужумкор ярим ҳимоячи – 35 миллион евро.
Жанубий Америка (КОНМЕБОЛ)
Бразилия, Аргентина, Уругвай ва бошқа давлатларни бирлаштирган бу минтақада футбол маҳаллий маданиятнинг бир қисми ҳисобланади.
Рейтинг пешқадами Винисиус Жуниор, 25 ёш, Бразилия терма жамоаси чап қанот ҳужумчисининг трансфер қиймати 150 миллион еврога баҳоланмоқда. У Бразилияда ўсиб, “Реал”даги фаолияти орқали жаҳон футболининг асосий юлдузларидан бирига айланган.
Федерико Вальверде, 27 ёш, Уругвай терма жамоаси марказий ярим ҳимоячиси – 120 миллион евро.
Мойсес Кайседо, 24 ёш, Эквадор терма жамоаси таянч ярим ҳимоячиси – 110 миллион евро.
Европа (УЕФА)
Европа жаҳон футболининг энг бой минтақаси бўлиб қолмоқда.
Уч футболчи максимал баҳо – 200 миллион еврога эга:
Ламин Ямал, 18 ёш, Испания терма жамоаси вингери, тарихдаги энг ёш ва энг қиммат футболчилардан бири.
Эрлинг Холанд, 25 ёш, Норвегия терма жамоаси марказий ҳужумчиси.
Килиан Мбаппе, 27 ёш, Франция терма жамоаси ҳужумчиси.
Европа — бундай суммалар реалликка айланган ягона ҳудуд.
Океания футбол конфедерацияси (OFC)
Австралия, Янги Зеландия ва Тинч океани орол давлатларини бирлаштиради.
Крис Вуд бу минтақанинг энг қиммат футболчи ҳисобланади. Янги Зеландия терма жамоасининг 34 ёшли футболчиси 8 миллион еврога баҳоланмоқда.
Кейинги ўринларда Анжело Фульжини 5 миллион евро ва Жо Белл 3 миллион евро нарх билан эгаллаган.
Таъкидлаш жоизки, Австралия бир неча йилдан буён Осиё футбол конфедерацияси аъзоси ҳисобланади ва шу туфайли австралиялик чарм тўп усталари статистикаси осиёликлар рейтингидан ўрин олади.
Фикрлар