Бу “Манчестер Сити” учун катта йўқотиш бўлади

“Манчестер Сити”нинг асосий дарвозабони Эдерсон Мораес ёзда жамоани тарк этиши кутилмоқда.

Журналист Жейсон Бёртнинг таъкидлашича, Саудия Арабистони клублари 30 ёшли бразилиялик футболчини ўз сафига қўшиб олиш учун маблағларни аямоқчи эмас.

Қолаверса, Эдерсон ҳам фаолиятини Саудия Арабистонида давом эттириш орқали молиявий аҳволини мустаҳкамлаб олиши мумкин.

Эдерсон 2017 йилдан бери “Манчестер Сити” дарвозасини қўриқлаб келмоқда. Бразилиянинг “Сан-Паулу” клуби академиясидан Португалияга келган футболчи ўз даврида “Риу Аве” ва “Бенфика” шарафини ҳам ҳимоя қилган.