"Бу мен кўрган "Реал"лар ичида энг ёмони"

Англия терма жамоасининг собиқ футболчиси Гари Линекер ўзининг твиттердаги саҳифаси орқали кеча бўлиб ўтган “Челси” ва “Реал” (2:0) ўйини ҳақида фикр билдирди.

“Ниҳоят, “Челси” финалга чиқди. Жамоа ажойиб футбол кўрсатди ва кўп жабҳада “Реал”ни ортда қолдирди. Бу мен кўрган “Реал”лар орасидаги энг ёмони”, - деди Линекер.

“Аристократлар” Мадридда бўлиб ўтган дастлабки ўйинда 1:1 ҳисобида дуранг қайд этишган бўлса, жавоб баҳсида 2:0 ҳисобида зафар қучишди. Якуний ҳисоб – 3:1.

Энди Томас Тухель бошчилигидаги жамоа финалда АПЛнинг бошқа бир клуби – “Манчестер Сити”га қарши баҳс олиб боради. Ҳал қилувчи ўйин 29 май куни Истанбул шаҳрида ўтказилади.