
Bu o‘yinchi kerak emas! Flik “Barsa”ning katta transferini blokladi
“Barselona” bosh murabbiyi Xans-Diter Flik klub mutasaddilari topgan variant – “Liverpul” hujumkor futbolchisi Luis Diasning Kataloniya jamoasiga ko‘chib o‘tishiga taqiq qo‘ydi.
El Nacional nashrining yozishicha, klub rahbariyati 28 yoshli kolumbiyalik o‘yinchini olish harakatlarini boshlash arafasida turgan edi. Germaniyalik bosh murabbiy Luis Diasning yoshini inobatga olib, transferni ma’qullamadi.
Flik o‘z boshqarayotgan loyiha doirasida iste’dodli yosh o‘yinchilar bilan uzoq muddat ishlashni ma’qul ko‘rmoqda. Bosh murabbiy rahbariyatdan hujumkor futbolchi pozitsiyaga “Atletik”ning 22 yoshli yulduzi Niko Uilyamsni olib kelishni so‘rayapti.
Chunki Niko Uilyams “Barselona” vakillari Lamin Yamal va Aleks Baldening do‘sti hisoblanadi va bu omil uning kataloniyaliklar jamoasiga tez moslashib olishida muhim ahamiyat kasb etadi.
Fikrlar