Бу юлдузни “Реал”га ҳам, “Барса”га ҳам сотмаймиз!

Аргентиналик ҳужумчи Хулиан Альвареснинг келажаги трансфер бозоридаги энг долзарб мавзулардан бири бўлиб қолмоқда.

Футболчи «Атлетико»дан кетиб, орзусини амалга ошириш учун «Барселона»га ўтишни хоҳлашини очиқ айтган.

Бироқ The Touchline нашри COPE манбасига таяниб хабар беришича, «Атлетико» Альваресни на «Барселона»га ва на «Реал»га сотиш ниятида.

Аввалроқ матбуотда мадридликлар 26 ёшли ҳужумчини Арсеналга сотишни афзал кўриши ҳақида хабарлар чиққан эди.

Шунингдек, «Атлетико» аввал «Барселона» учун ягона йўл — шартномадаги 500 миллион евро миқдоридаги товон пулини тўлаш эканини маълум қилган. Бу маблағни каталонияликлар тўлаши деярли имконсиз ҳисобланади.