Бугун "Big Bout Indian Boxing League"да ҳамюртларимиз жанг қилишади

2-21 декабрда Ҳиндистонда ҳаваскор бокс бўйича шаҳарлараро турнир бўлиб ўтади. Бу турнирда турли шаҳарлар ўз жамоасига эга бўлади ва ҳар турда 2 жамоанинг бир вазндаги боксчилари ўзаро куч синашади. Бизга қизиқ томони эса ушбу мусобақада 2 та ўзбекистонлик боксчи ҳам ижара асосида қатнашиши кутилмоқда. 57 кгда Абдумалик Ҳалаков ва 69 кгда Жаҳонгир Раҳмоновнинг жамоалари бугун ўзаро тўқнаш келади. Ҳозирги кунда ҳинд бокси жадал ривожланаётганини ҳисобга олсак, бу мусобақа ёшларимизга катта тажриба орттириш учун хизмат қилади.

Абдумалик Ҳалаков NCR Panjob Royals шарафини ҳимоя қилиши кутилмоқда.

Жаҳонгир Раҳмонов эса 69 килограм вазнда Odisha Warriors жамоаси номидан мусобақаларда иштирок этади.

Бугун бу икки жамоа ўзаро жанг ўтказади. Ҳар иккала жамоа таркибида ҳамюртларимиз бор. Жанглар маҳаллий вақт билан 19:00 да бошланади. Бизнинг вақтга 18:30 га тўғри келади.