Бугун Жаҳон чемпионатида 3 нафар вакилларимиз қатнашади

Бугун Венгрияда дзюдо бўйича Жаҳон чемпионатининг бешинчи кун беллашувлари бўлиб ўтади. Унда эркаклар -90 кг, аёллар -70 кг вазн тоифаларида медальлар учун кураш олиб боришади. Кун давомида Ўзбекистон терма жамоасининг 3 нафар аъзоси иштирок этади. Уларнинг илк рақиблари билан танишинг: 
 
-90 кг: Шаҳзодхўжа Шарипов – Корнелиус Эйлертсен (Норвегия) 
-90 кг: Нурбек Муртазоев – Реми Феулле (Маврикий) 
-70 кг: Хуршида Раззоқбердиева – Ю-Жинг Лиао (Хитой Таипейи) 
 
Маълумот учун, шу кунгача ўтган беллашувларда ҳамюртларимиздан Шукуржон Аминова (-57 кг) ҳамда Арслонбек Тожиев (-81 кг) бронза медальи учун курашиш босқичигача етиб келишган. Аммо ушбу баҳсларда рақиблар устунлик қилиб, ҳар икки дзюдочимиз бешинчи натижа билан мусобақани якунлади.