Бугун ўйин: Гвардиола Ҳусановни майдонга туширадими?
Англия Премьер-лигасининг 32-тур учрашувлари стар оляпти. Бу турни амалдаги чемпион “Манчестер Сити” ва “Кристал Пэлас” ўйини бошлаб беради.
Бўлажак беллашувдаги ғалаба кўпроқ “шаҳарликлар”га зарур. Хосеп Гвардиола шогирдлари Европа Чемпионлар лигасининг келаси мавсумига бериладиган йўлланма учун курашмоқда. “Кристал Пэлас” эса, мусобақа жадвалининг ўрта қисмига мустаҳкам жойлашиб олган.
Нуфузли манба – cityxtra.co.uk портали экспертлари “Манчестер Сити”нинг “Кристал Пэлас” қарши тахминий таркибини шакллантирди.
Эдерсон – Манчестер дербисида ўз дарвозаси дахлсизлигини сақлаб қолган бразилиялик голкипер бу гал ҳам асосий таркибда майдонга тушади. Ҳозир таркибда ундан ишончли посбон йўқ.
Рико Льюис – ўтган беллашувда захирадан ўйинга қўшилган бу ҳимоячи энди Матеус Нуньеш ўрнини эгаллаши кутиляпти.
Абдуқодир Ҳусанов – Англия Премьер-лигасининг кетма-кет икки ўйинини ўтказиб юборди. Икки ҳафта олдин “Борнмут”га қарши беллашувнинг биринчи бўлимидан кейин захирага олинган ўзбек легионери ўрнини Нико О’Рейлига бой берганди. Энди “Кристал Пэлас”га қарши учрашувда Хосеп Гвардиола ҳимоя марказида Абдуқодир Ҳусанов ва Рубен Диаш тандемидан фойдаланади.
Йошко Гвардиол – Манчестер дербисида бу ҳимоячи марказда ўрин эгаллаганди. Ҳусановнинг таркибга киритилиши натижасида Гвардиола ўзи учун севимли бўлган чап қанотга қайтади.
Нико Гонсалес – бир-икки бўш ўйинидан кейин таркибдан четда қолган испан футболчисига Хосеп Гвардиола яна имкон бериши керак. Ярим ҳимоячи аввалги ҳаракатларидан хулоса қилиши шарт.
Кевин Де Брюйне – ўз фаолиятидаги сўнгги Манчестер дербисида қатнашган плеймейкер бу мавсум жамоада муҳим вазифаларни бажаришни давом эттиради. 33 ёшли юлдуз жамоадоши Жек Грилиш билан бирга майдон марказини ушлашга ҳаракат қилади.
Бернарду Силва – Хосеп Гвардиола қаттиқ ишонч билдираётган футболчи сифатида “Кристал Пэлас”га қарши баҳсла қатнашиши муқаррар. Савиньо эса, захирада қолиб, имкон берилишини кутади.
Умар Мармуш – Эрлинг Холанд йўқлигида у марказий ҳужумчи сифатида ўйнайдиган ягона муносиб номзод.
Жереми Доку – Ўтган ҳафта ҳодир чиқариш имкони берилган қанот ҳужумчиси бугун бор имконини ишга солиб, рақиб дарвозасига хавф солиши керак.
Англия футболини ёритаётган cityxtra.co.uk портали тузган “Манчестер Сити” тахмини таркиби билан танишинг.
Дарвозабон:
Эдерсон;
Ҳимоя:
Льюис, Хусанова, Диас, Гвардиол;
Ярим ҳимоя:
Нико, Де Брёйне, Грилиш;
Ҳужум чизиғи:
Бернарду, Мармуш, Доку.
Захира:
Ортега Морено, Нунес, Рейш, О’Рейли, Ковачич, Гюндоган, Макати, Бобб, Савиньо.
“Манчестер Сити” ҳамда “Кристал Пэлас” жамоалари ўртасида “Этихад” стадионида ўтказиладиган учрашув Тошкент вақти билан 16:30 да бошланади.
Фикрлар