Бугун “Турон” футбол клуби ташкил топганига 6 йил тўлди!

Барчангизга маълум, 2017 йил 5 май куни Фарғона вилояти Ўзбекистон туманининг Яйпан шаҳрида “Турон” профессионал футбол клубига асос солинган. Ортда қолган йиллар давомида клуб қатор ютуқ ва ғалабаларга эришди, турли мусобақаларда ўз тажрибасини тобора мустаҳкамлаб бормоқда.

Хусусан:

- “Наврўз” кубоги соҳиби ва Фарғона вилояти 2-лигаси ғолиби (2018);

- Про-лига “Б” гуруҳи Шарқ минтақаси чемпиони ва ўтиш ўйинлари ғолиби (2019);

- Про-лига чемпиони (2020);

- Ўзбекистон Суперлигаси иштирокчиси (2021);

- Суперлигага ўтиш ўйинлари ғолиби (2022);

“Турон” ПФК маъмурияти клуб тизимида самарали меҳнат қилиб, эришилган ютуқ ва ғалабаларга ўз ҳиссасини қўшиб келаётган мураббийлар штаби ва ишчи-ходимларга, жамоа футболчиларига, шунингдек жонкуяр мухлисларни бугунги сана билан қутлаган холда ўз миннатдорчилигини изҳор қилади", - дейилади клуб матбуот хизмати берган хабарда.