Бугундан Суперлигада 6-тур баҳслари старт олади. Кун дастуридан 3 та ўйин ўрин олган
Миллий чемпионатимиз давом эттирилади.
Бугун Ўзбекистон Суперлигаси 6-туридан ўрин олган дастлабки учрашувлар бўлиб ўтади. Ушбу турни очиб берувчи беллашувда "Қўқон-1912" ўз майдонида "Металлург"ни қабул қилади. Ўйин Тошкент вақти билан 16:15 да старт олади.
"Насаф" Қаршида "Сурхон"ни меҳмон қилади ва ғалабага эришган ҳолда кучли учликка кириб олишга ҳаракат қилади. Баҳс 18:20 да бошланиши режалаштирилган.
Шунингдек, худди шу вақтда Жиззахда "Сўғдиёна" - "Машъал" беллашуви бошланади. Улуғбек Бақоев шогирдлари ғалаба орқали таъқибчилари билан фарқни йириклаштириб олишга уруниб кўради.
Изоҳлар (0)