Бунақаси бўлмаган: “Барса” олти ҳужумчи билан ўйнайди

Испания чемпионлигини қўлга киритган “Барселона” бош мураббийи Ханс-Дитер Флик янги мавсум учун жамоа таркибини шакллантириш билан банд.

Германиялик мутахассис режасига кўра, жамоанинг ҳужум чизиғи тўлиқ шаклланиши учун унда олти нафар ҳужумкор футболчи тўп тепиши шарт.

Ёзги трансферлар вақтида олдинги чизиқ вакилларидан Ансу Фати ва Пау Виктор жамоани тарк этиши кутиляпти. Улардан бўшайдиган ўринга “Атлетик” юлдузи Нико Уильямс келиши кутилмоқда.

Айни пайтда Никонинг келишини инобатга олган ҳолда, жамоада яна тўрт нафар ҳужум қила оладиган ўйинчи бор. Булар тўпурар Роберт Левандовски, Ламиня Ямал, Ферран Торрес ва Рафинья.

Каталонияликлар олтинчи ҳужумчи сифатида “Манчестер Юнайтед”дан кетиши талаб этилаётган Маркус Рэшфордни олиб келмоқчи. Фликка 27 ёшли англиялик футболчининг универсал ҳужумчи экани маъқул келган. Рэшфорднинг ўзи ҳам анчадан бери “Барселона”да ўйнашни истаяпти.