Bunaqasi tarixda bo‘lmagan! Angliya Xorvatiyani sharmanda qilib ketdi

Angliya terma jamoasi Millatlar ligasi guruh bosqichining uchinchi turida Xorvatiya ustidan yirik hisobda g‘alaba qozondi. Rieka shahrida o‘tgan uchrashuv mezbonlar uchun katta mag‘lubiyat bilan yakunlandi — 7:0.

Hisob taqdiri amalda birinchi bo‘limdayoq hal bo‘ldi. 8-daqiqada Jud Bellingemning aniq uzatmasidan so‘ng Harri Keyn hisobni ochdi. Oradan ko‘p o‘tmay, bu safar Bellingemning o‘zi gol urdi. Keyinchalik Entoni Gordon va Bukayo Saka ham o‘z imkoniyatlaridan unumli foydalanib, angliyaliklar ustunligini to‘rt to‘pga yetkazishdi.

Tanaffusdan keyin ham vaziyat o‘zgarmadi: Keyn va Saka ikkinchi gollarini urgan holda dubl rasmiylashtirishdi. Uchrashuvdagi so‘nggi zarbani esa Morgan Rojers yo‘llab, yakuniy hisobni belgilab qo‘ydi.

Ushbu g‘alabadan so‘ng Angliya olti ochko to‘plab, A3 guruhida ikkinchi o‘rinni egalab turibdi. Xorvatiya esa uch ochko bilan hozircha uchinchi pog‘onada joylashgan. 

Xorvatiya terma jamoasi o‘z tarixida eng yirik mag‘lubiyatini qayd etdi. Bungacha xorvatlar hech qachon bunchalik katta hisob farqi bilan mag‘lub bo‘lmagan edi. Ular uchun eng yirik mag‘lubiyat sifatida 2018 yil 11 sentabrda Ispaniyaga qarshi o‘yin qayd etilgan, o‘shanda hisob 0:6 bo‘lgan edi.