Бундеслига. "Айнтрахт" - "Бавария": Матнли трансляция

Германия Бундеслигаси 22-туридан ўрин олган "Айнтрахт" - "Бавария" учрашуви айни дамда бўлиб ўтмоқда. Учрашувни сайтимиз орқали матнли кўринишда кузатиб боришингиз мумкин. Матнли трансляцияни Абдулла Маннонов олиб боради.

• 90+4'
  

  Учрашув якунланди! "Бавария" ЕЧЛ ўйини олдидан мағлубиятга учради. Матнли трансляцияни Абдулла Маннонов олиб борди. Эътиборингиз учун раҳмат!

• 90+3'
  

  "Айнтрахт"да сўнгги ўзгариш: Камада ўрнига Цубер ўйинга қўшилди.

• 90+2'
  

  "Айнтрахт" бурчакдан тўпни ўйинга киритиб беради.

• 90+1'
  

  "Айнтрахт" аъзоси Эван Нъдика қўполлиги учун сариқ карточка билан огоҳлантирилди.

• 90+'
  

  Ўйинга тўхталишлар учун 4 дақиқа вақт қўшиб берилди.

• 90'
  

  Ўзгариш: Лерой Сане ўрнига Хави Мартинес ўйинга қўшилди.

• 88'

  Сане тўпни жарима майдончаси ичига етказиб берди, бироқ ҳимоячилардан бири тўпни боши билан узоқлаштирди.

• 84'

  "Айнтрахт" аъзоси Рагнар Ахе ўта қўпол ўйнади. Ҳакам уни оғзаки огоҳлантириш билан чекланди.

• 83'
  

  "Бавария" сафида 2 ўзгариш амалга оширилди. Лукас Эрнандес ҳамда Кингсли Коман майдонни тарк этиб, ўрнига Шупо-Мотинг ва Жамал Мусиала ўйинга қўшилди.

• 82'
  

  "Бавария" бурчак тўпидан сўнг хавфли вазият юзага келтира олмади. Ҳимоячилар яхши ўйнади.

• 82'

  Йўқ! Пенальти белгиланмайди! Барчаси жойида

• 80'

  Бош ҳакам ВАРга мурожаат қилади. Пенальти йўқ бўлиши ҳам мумкин.

• 79'
  

  Пенальти! "Бавария" дарвозасига пенальти белгиланди!

• 77'
  

  "Бавария" бурчакдан тўпни тезкорлик билан ўйинга киритиб беради.

• 75'
  

  Левандовски офсайдда қолиб кетди.

• 74'
  

  "Айнтрахт"да ўзгариш: Амин Юнес ўрнига Аймен Баркок ўйинга қўшилди.

• 71'

  Сане яхши ўйнаяпти. Жарима майдончаси атрофида у фаол.

• 69'
  

  "Айнтрахт"да ўзгариш: Роде ўрнига Ильзанкер ўйинга қўшилди.

• 68'
  

  Йович ўйинни давом эттира олмайди, унинг ўрнига Рагнар Ахе ўйинга қўшилди.

• 66'
  

  Лука Йович майдонда тиббий ёрдам олмоқда. У ўйинни давом эттира олмаслиги мумкин.

• 64'

  Саненинг зарбаси дарвоза устунининг ёнгинасидан ўтиб кетди!!!

• 63'

  Левандовски дарвозабон билан деярли бирга-бир вазиятга чиқиб кетди, бироқ зарба бера олмади.

• 62'
  

  Бурчак тўпи. Киммих уни ижро этади.

• 61'
  

  "Бавария" бош мураббийи Ханс Дитер-Флик ҳакам билан тортишиб кетгани боис сариқ карточка билан огоҳлантирилди.

• 57'

  Киммих тўпни жарима майдончаси ичига етказиб берди, зарбага аниқлик етишмади. Тўпни "Айнтрахт" дарвозабони ўйинга киритади.

• 56'
  

  Себастьян Роде қўполлиги учун сариқ карточка билан огоҳлантирилди.

• 55'

  Филип Костич тўпни йўқотди. Ҳимоячилар фаол ўйнади.

• 53'
  

  ГООООООООООООООООООООЛЛЛ!!! "Бавария" ҳисобдаги фарқни қисқартирди! Саненинг ажойиб узатмасидан сўнг вазиятни яхши англаган Левандовски дарвозани ишғол қилди! 2-1!

• 51'
  

  Киммих тўп олдида. Бурчак тўпи ижро этилади.

• 51'

  Альфонсо Дэвис тўпни жарима майдончаси ичига етказди, ҳимоячилар уни чиқариб юборди. "Бавария" бурчак тўпи тепади.

• 49'

  "Бавария" тезкор қарши ҳужумга ўтиб кетди!

• 48'

  Кингсли Коман жарима майдончаси ичидаги Санега тўпни ҳаволатиб етказиб берди, бироқ унинг бош билан берган зарбаси анча кучли чиқди. 

• 47'

  Хинтереггер тактик фол намойиш этди, ҳакам бу учун сариқ карточка ҳам кўрсатиши мумкин эди, бироқ ундай бўлмади.

• 46'
  

  "Бавария" бўлимни ўзгариш билан бошлаб олди: Марк Рока ўрнига Леон Горецка ўйинни кучайтириш учун майдонга тушди.

• 46'
  

  Иккинчи бўлим бошланди.

• 45'

  Футболчилар майдонга қайтишмоқда. Биз ҳам қайтамиз.

• 45+6'
  

  Танаффус!

• 45+5'

  Саненинг зарбасидан кейин тўпни ҳимоячилар қайтарди.

• 45+4'
  

  Даичи Камаданинг узоқ масофадан йўллаган зарбасини ҳам Нойер ушлаб олди.

• 45+2'
  

  Лука Йовичнинг уринишидан кейин Нойер дарвозасини голдан қутқариб қолди.

• 45'
  

  Биринчи бўлимга 6 дақиқа қўшиб берилди.

• 44'

  Шупо-Мотинг чиройли услубда зарба берди. Тўп устун ёнгинасидан ўтиб кетди.

• 42'

  Тайм сўнгини ҳар икки жамоа вакиллари ҳужумда ўтказмоқда. Ҳисоб ўзгариши мумкин.

• 40'
  

  Кингсли Команнинг зарбасини дарвозабон қайтаришга эришди.

• 37'

  Шупо-Мотингнинг уриниши бартараф этилди.

• 34'
  

  Команнинг зарбаси рекошет натижасида хавфли тус олди. Дарвозабон ўз ўрнида.

• 31'
  

  ГОООООООООООООООЛЛЛЛЛЛЛЛЛЛЛЛ! Мезбонлар ҳисобни ишончли кўринишга келтирди!

  Ўнг қанотдан ёриб кирган Аним Юнес супер зарбаси билан дарвозанинг юқори бурчагини ишғол этди.

• 30'
  

  Бурчакдан оширилган тўпни ҳимоячилар узоқлаштирди.

• 28'
  

  Киммихнинг зарбасидан кейин дарвозабон тўпни ушлаб олди.

• 25'

  Левандовски ҳужумда қоида бузиб, жамоаси ҳужуми тўхтаб қолишига сабабчи бўлди.

• 23'

  Флик шогирдлари ўз ўйинини тўпишга интилмоқда. Улар аввало, тўп назоратини қайтаришга уриняпти.

• 21'

  Филип Костичнинг узатмаси ноаниқ чиқди.

• 19'

  Франкфуртликлар майдон марказида тўпни назорат қилмоқда.

• 17'

  Туренинг узоқ масофадан йўллаган зарбасига аниқлик етишмади. Мезбонлар рақибни шокка тушириб қўйди.

• 15'

  Нойернинг олдинга чиқиб кетганини пайқаган Амин Юнес узоқ масофадан кучли зарба йўллади. Тўп бироз мўлжалга бормади.

• 14'

  Юнес жарима майдони марказига узатма амалга оширди. "Бавария" футболчилари катта қийинчилик билан хавфни бартараф этди.

• 12'
  

  ГОООООООООООЛЛЛЛЛЛЛЛЛЛЛЛ! "Айнтрахт" ҳисобни очди!

  Жарима майдони марказига етказиб берилган тўпни Даичи Камада дарвозага тўғирлаб юборди.

• 9'
  

  Бунақаси камдан-кам бўлади: ён ҳакам алмаштирилди.

• 6'
  

  Қизиқарли ҳолат: ён ҳакамга тиббий ёрдам керак.

• 4'

  Амин Юнес қулай имкониятдан фойдалана олмади. Ҳимоячилар унга ҳалал беришни уддалади.

• 2'

  Илк уриниш меҳмонларда: Саненинг зарбасига аниқлик етишмади.

• 1'
  

  Ўйин бошланди!