Бундеслига. "РБ Лейпциг" - "Боруссия" Дортмунд: Матнли трансляция

Ассалому алайкум, муҳтарам футбол ихлосмандлари. Германия Бундеслигаси 15-туридан ўрин олган "РБ Лейпциг" - "Боруссия" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+3'
  

  Ўйин якунланди. Матнли трансляция Жавоҳир Азимов томонидан олиб борилди!

• 90+2'

  Учрашувнинг сўнгги дақиқаларини мезбонлар ҳужумда ўтказмоқда.

• 90'
  

  Ўйиннинг асосий вақтига 3 дақиқа қўшиб берилди.

• 90'
  

  ГООООООООООООЛЛЛЛЛЛЛЛЛЛ! "Лейпциг" ҳисобни қисқартирди!

  Анхелиньонинг узатмасига Сёрлот бош билан дарвозага йўллади. Дарвозабон қайтарган тўпни ҳужумчининг ўзи дарвозага киритди.

• 88'
  

  Лазар Самаржич Юссуф Поульсенни алмаштирди.

• 86'
  

  Санчо ҳамда Ройс захирага олинди. Улар ўрнига Брандт ва Тиггес майдонга тушди.

• 84'
  

  ГООООООООООЛЛЛЛЛЛЛ! "Боруссия" ўйинда чиройли нуқта қўйди!

  Ройснинг моҳирона узатмасини қабул қилган Холанд дарвозабонни алдаб ўтиб, бўш қолган дарвозани ишғол этди.

• 82'

  Эрлинг Холанднинг зарбаси кутилганидек чиқмади. У тўпга мослаша олмади.

• 80'

  Майдон марказида Холанд қоида бузиш эвазига зарарсизлантирилди. Ҳакам ўйинни тўхтатди.

• 78'

  Упамекано ўзининг фаол ҳаракатлари билан рақиб ҳужумини тўхтатди.

• 75'

  Майдон эгалари иккинчи бўлимда деярли хавф туғдира олмаяпти.

• 73'
  

  Жарима майдони яқинида Аканжи рақибига нисбатан қоида бузгани учун огоҳлантирилди.

• 71'
  

  ГОООООООООООЛЛЛЛЛЛЛ! "Боруссия" ҳисобни ишончли кўринишга келтирди!

  Санчонинг ажойиб узатмасини Эрлинг Холанд дарвозага йўллади.

• 71'
  

  Амаду Хайдара захирага олинди. Унинг ўрнида Хван Хи Чан ўйинни давом эттиради.

• 69'
  

  Томас Дилейни ўз ўрнини Дан-Аксель Загадуга бўшатиб берди.

• 67'

  "Буқалар" ҳам худди шу тарзда жавоб қайтара олди: Ольмонинг уриниши устундан қайтди.

• 65'

  Шеригининг ажойиб узатмасидан кейин бирга-бир вазиятга чиқиб борган Холанднинг кучли зарбаси тўсинни титратди.

• 63'
  

  Забитцер ва Форсберг ўрнига Клостерманн ҳамда Сёрлот майдонга тушди.

• 61'

  Санчонинг бу сафарги уриниши мўлжалга аниқ бормади.

• 59'

  Герейрунинг жарима майдони ичидан берган зарбаси ноаниқ кетди.

• 57'

  Дортмундликлар фаолликни давом эттирмоқда.

• 55'
  

  ГОООООООООООЛЛЛЛЛЛЛЛЛ! "Боруссия" ҳисобни очди!

  Ройснинг заргарона узатмасини Санчо яқин масофадан дарвозага киритди.

• 53'

  "Асаларилар"нинг навбатдаги ҳужуми Рейнанинг ноаниқ узатмаси туфайли барбод бўлди.

• 51'

  Жамоадошининг узатмасига Анхелиньо етиб бора олмади.

• 49'
  

  Марко Ройснинг ўткир бурчакдан йўллаган зарбасини дарвозабон қайтарди.

• 47'

  Иккинчи бўлим ҳам зерикарли руҳда бошланди. Жамоалар рақиб жарима майдонига ёриб киришга қийналмоқда.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45'
  

  Биринчи бўлимга 2 дақиқа қўшиб берилди.

• 43'

  Ройснинг жарима майдонига узатмасини Забитцер қайтариб қолди.

• 41'

  Дани Ольмонинг узоқ масофадан берган зарбаси тўсин юқорисидан ўтиб кетди.

• 39'

  Нагельсманн шогирдлари позицион ҳужумлар билан рақиб ҳимоясини ёриб ўтишга ҳаракат қилмоқда.

• 37'

  Эмре Жаннинг узатмасига шериклари ета олмади.

• 35'

  Ўз жойини ташлаб, олдинга югуриб чиққан Гулачи тўпга Холанддан олдин етиб келди.

• 32'
  

  Майдон марказида Форсбергни қўполлик эвазига тўхтатиб қолганлиги учун Дилейни огоҳлантирилди.

• 30'
  

  Эмре Жан жароҳат олган Витсель ўрнига майдонга тушди.

• 28'
  

  Аксель Витсель чап оёғини жароҳатлаб олди. Унга тиббий ёрдам керак.

• 25'

  Аканжи жарима майдони марказида ишончли ҳаракат қилди. Унинг позиция танлашдаги топқирлиги сабаб, Адамснинг узатмаси шерикларигача етиб бормади.

• 23'

  Анхелиньо қанотдан тўп оширди. Ҳимоячилар уни узоқлаштирди.

• 21'

  Хайдаранинг жарима майдони ичига оширган узатмасига шериклари ета олмади.

• 18'

  Мезбонлар қанотларни фаол ишга солмоқда. "Борусия" жарима майдонини яхши қўриқлаяпти.

• 15'

  Ўйин қиймати юқорилиги сабаб, майдон марказида кескин яккакурашлар кўп бўлмоқда. Футболчилар бир-бирини аямаяпти.

• 13'
  

  Эрлинг Холанд ўйиндан ташқари ҳолатда тўпни қабул қилиб олди.

• 9'

  "Буқалар" ҳамон босим уюштиришда давом этмоқда. Ҳозирча, "Боруссия" бирорта хавфли вазият яратганича йўқ.

• 7'
  

  "Лейпциг" илк бурчак зарбасидан хавфли ҳужум чиқара олди. Бироқ ҳимоячилар рақибга зарба йўллаш имкониятини қолдирмади.

• 5'

  Дортмундликлар рақиб прессингидан узун паслар орқари чиқиб кетмоқчи.

• 3'

  Майдон эгалари дастлабки дақиқалардан тўп назоратини қўлга олишга ҳаракат қилмоқда.

• 1'
  

  Ўйин бошланди!

• 0'

  Сардорлар иштирокидаги расмий жараёнлар ортда қолди. Старт учун барчаси тайёр!

• 0'

  Футболчилар майдонга тушиб келди. Ўйин бир неча сониялар ичида старт олади