Бундеслигада энг яхшилар номи аниқланди

Германия футболчилар иттифоқи Бундеслиганинг якунланган мавсумидаги энг яхши футболчини аниқлаш учун сўровнома ўтказди.

Унда "Бавария" ҳужумчиси Роберт Левандовски 40,2 фоиз овоз тўплаб биринчи ўринни эгаллади. Иккинчи ўринни "Боруссия"дан Жейдон Санчо 13,9 фоиз овоз билан банд этди. "Бавария"нинг яна бир футболчиси Жошуа Киммих 7,2 фоиз овоз билан учинчи ўринга лойиқ кўрилди.

31 ёшли поляк ушбу унвонни фаолияти давомида тўртинчи маротаба қўлга киритди.

Шунингдек, энг яхши трансфер сифатида "Бавария" ҳимоячиси Альфонсо Дэвис тилга олинган бўлса, Ханс-Дитер Флик эса мавсумнинг энг яхши мураббийи унвонини қўлга киритди.

Матнда хатолик топсангиз, ўша хатони белгилаб, бизга жўнатинг (Ctrl + Enter)