"Буни эшитиб даҳшатга тушдим". Алвес "Барселона" раҳбариятидан қаттиқ норози

Дани Алвес "Барселона"нинг унга бўлган муносабатидан ғазабда. 

Афсонавий ҳимоячи Мексика клуби билан шартнома имзолади. У "AS" нашрига интервью берди ва собиқ жамоасининг раҳбариятини ёмонлади. 

"Барселона"га кўчиб ўтган пайтим, улар билан ҳеч қандай муаммо бўлмайди, деб ўйладим. Агар қолмоқчи бўлсам, унда қоламан, бўлмаса - йўқ. Бир ой давомида янги шартнома кутдим ва охир-оқибат менга: "Биз сен билан шартномани янгиламаймиз", дейишди. 

Шунчаки, даҳтшатга тушдим. Мен мухлислар билан ҳам хайрлаша олмадим. Бу ҳар қандай футболчини хафа қилади. 

"Вильярреал"га қарши ўйиндан олдин менга ҳеч ким "Дани бу ерда ортиқ ўйнай олмайсан", деб айтмади. Шундай қилишганда, мухлислар билан хайрлашган бўлардим", - деди Алвес.