Буни Роналдудан бошқа ҳеч ким уддаламаган!

“Ювентус” ва Португалия терма жамоаси ҳужумчиси Криштиану Роналду XXI асрда биринчи бўлиб мингта учрашув ўтказган ягона футболчига айланди.

Футбол тарихи ва статистикаси халқаро федерацияси (IFFHS) тарқатган маълумотга қараганда, машҳур тўпурар ҳозирча 1047 та ўйинда майдонга тушган. Шулардан 1000 таси янги асрга тўғри келади.

Иккинчи ўринда фаолиятини 2020  йили расман якунлаган Икер Касильяс қайд этилган. У ўтган юз йиллик ҳисобидан 74 та, жорий асрда 974 та ўйинда майдонга тушган.

Рейтингнинг учинчи қаторини сўнгги 16 мавсум давомида совринларга эга чиқиб, бу йил чемпионликдан қуруқ  қолган Дани Алвес банд этди. Фаолиятини XXI аср аввалида бошлаган бразилиялик ҳимоячи ҳисобида ҳозирча 969 та учрашув бор. У иккинчи поғонага кўтарилиб олиш имконига эга.

Янги асрда энг кўп ўйин ўтказган футболчилар рейтингидан  Хави (937 + 80), Ясухито Эндо (909 + 84), Златан Иброҳимович (907 + 9), Рожерио Сени (904 + 310), Лионель Месси (902), Жанлуижи Буффон (852 + 212), Хавьер Дзанетти (717 + 383) ҳам жой олган.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар