"Бунёдкор" бош мураббийи ҳам кетмоқчи. Клубни яна кимлар тарк этди?

"Бунёдкор" клубида ўзгаришлар давом этади. Бироз аввал "Бунёдкор" клуби директори Азиз Ҳайдаров лавозимидан озод этилганини маълум қилгандик.

SPORTS.uz сайтига маълум бўлишича, Азиз Ҳайдаров ортидан жамоа бош мураббийи Иван Бошкович ҳам лавозимини тарк этмоқчи. Ҳозирча, унинг бу қарори қаноатлантирилганми ёки йўқ номаълум.

"Бунёдкор"да ўзгариш... 4 ойлик раҳбар ишдан олинди

Шунингдек, клуб академияси раҳбари Ислом Аҳмедов ҳам ишдан олинган. Маълумот ўрнида, ушбу мутахассислар ўтган йили кузда бир вақтда клубга келганди.

Қолаверса, клуб матбуот котиби ҳам лавозимини тарк этди.