"Бунёдкор"да яна янги легионер

Янгиланаётган “Бунёдкор” клуби таркибини кучайтиришда давом этяпти.

Бунгача бир қатор легионер футболчилар билан шартнома имзоланганди. “Қалдирғочлар” яна бир хорижлик ўйинчи билан келишувга эришди.

Босния ва Герцоговина чемпионати вакили – “Сараево” аъзоси Самир Желькович янги мавсумни “Бунёдкор” жамоасида бошлайди. Бу ҳақида Босния клуби матбуот хизмати хабар бермоқда. Футболчи “Бунёдкор”да бир йил ижарада тўп суради. Аммо ҳозирча бу борада "Бунёдкор" расмий хабар бергани йўқ.