Бускетс Пуйолни ортда қолдирди

“Барселона” ярим ҳимоячиси Сержи Бускетс кеча Испания чемпионатининг “Реал Сосьедад”га (2:1) қарши баҳсида иштирок этди.

Клуб расмий сайтининг хабар беришича, бу 32 ёшли испаниялик футболчи учун “кўк-анор ранглилар” сафидаги 594-ўйин бўлди. Бускетс бу борада афсонавий Карлес Пуйолни (593) ортда қолдирди ва “Барселона” сафида энг кўп ўйин ўтказган футболчилар орасида 4-ўринга кўтарилиб олди.

Бускетс ушбу ўйинларнинг 390 тасини Ла Лигада, 117 тасини Чемпионлар лигасида, 64  тасини Испания кубогида, 15 тасини Испания Суперкубогида, 5 тасини клублар ўртасидаги жаҳон чемпионатида ва қолган 3 тасини УЕФА Суперкубогида ўтказган.