Бускетс ва Мессида бир хил вазият

"Барселона" ярим ҳимоячиси Серхио Бускетс кейинги мавсумда MLSда ўйнамайди. "Diario AS" нашри хабарига кўра, испаниялик футболчи Америка чемпионатидаги жамоаларга ўтишдан бош тортган. Шу билан бирга, манбанинг қўшимча қилишича, Бускетс ҳали ҳам Саудия Арабистони чемпионатига кўчиб ўтиши мумкин. Унга катта маош таклиф қилишмоқда.

Ҳозирда Серхиода фаолиятини давом эттириш учун фақат иккита йўл бор: маошини қисқартирган ҳолда “Барселона” билан шартномасини узайтириш ёки Саудия Арабистони клубига ўтиш. ПСЖ ҳужумчиси Лионель Мессида айнан шундай имкониятлар бор: аргентиналик футболчи ё "кўк-анорранглилар" сафига қайтади  ёки фаолиятини Саудия Арабистонида давом эттиради.