Бутунжаҳон шахмат олимпиадаси. Ўзбекистон сўнги турда Францияни мағлуб этди

Айни кунларда Венгрия пойтахти Будапешт шаҳрида шахмат бўйича 45-Бутунжаҳон олимпиядаси бўлиб ўтмоқда. Ушбу нуфузли турнирда Ўзбекистон терма жамоаси амалдаги чемпион сифатида ўз унвонини ҳимоя қилади.

Йигитлар жамоаси бугунги ўйинда Франция билан баҳс олиб бориб, 2.5 -1.5 ҳисобидаги ғалабани тантана қилди.

Аёллар жамоамиз эса Туркия билан ўйинда 2.5 - 0.5 ҳисобида ғалабага эришди.

Шундай қилиб, мазкур нуфузли мусобақа ўз якунига етди. Эркаклар терма жамоамиз умумжамоа ҳисобида фахрли 3-ўринни қўлга киритишди. ​Қўшимча натижаларга кўра жамоамиз  Хитой, Сербия ва Арманистон жамоаларини ортда қолдирди. Тахталар кесимида Нодирбек Абдусатторов 2-ўринни, Шамсиддин Воҳидов 4-тахтада 1-ўринни қўлга киритди.

Аёлларимиз эса, 12-ўринни банд этишди. Бу натижа орқали улар ўзбек аёллари шахматида ҳам тарих ёзишди. Тахталар кесимида Нодира Нодиржонова 5-тахтада 2-ўринни қўлга киритди.

Биз кейинги мусобақа ва турнирларда барча шахматчиларимизга омад ва зафарлар тилаб қоламиз.