"Buxoro" - Pro ligadagi yagona jamoa

O‘zbekiston Pro ligasida 8-tur bahslari bo‘lib o‘tdi. Uchrashuvlar ajoyib tarzda o‘tdi. Ayniqsa, etakchilar ishtirokidagi bellashuvlar.

"Yangier" "Xorazm"ni taslim etdi. "Sho‘rtan" o‘z uyida "Andijon"ga engildi. "Zomin" "Aral Samali" bilan durang o‘ynadi. "Turon" Yaypanda "Mash’al"ni bitta to‘p farqi evaziga dog‘da qoldirdi. "Buxoro" viloyat derbisining oxirgi daqiqalarida mag‘lubiyatdan qutilib qoldi.

Ushbu o‘yinlardan so‘ng "Turon" peshqadamlik qilmoqda. Oxirgi 3 uchrashuv ketma-ket oxirgi daqiqalarda zafar quchgan "Andijon" ikkinchi, "Buxoro" esa uchinchi o‘rinda bormoqda.

E’tiborlisi, Hakim Fuzaylov boshchiligidagi buxoroliklar musobaqada mag‘lubiyat nimaligini bilmay kelayotgan yagona jamoa. Qolganlar hisobida kamida bittadan mag‘lubiyat bor.