"Бухоро" Анталияда Украина клубини ютаётиб якунда ютқазди

Туркиянинг Анталия шаҳрида шуғулланаётган “Бухоро” клуби бугун Украина премьер-лигаси вакили “Минай”га қарши майдонга тушди. Барча голлар танаффусдан кейин киритилди.

Аввалига Рўзим Аҳмедов 58-дақиқада пенальтидан ҳисобни очди. Аммо 82 ва 85-дақиқаларда “Минай” футболчилари – Немчанинов ва Твердохлиб томонидан киритилган голлар “Минай”га иродали ғалаба келтирди.

“Бухоро” таркиби: Никола Стошич, Руслан Короев, Аббос Отахонов, Фарруҳ Ибрагимов, Жасур Ҳасанов, Жасур Азимов, Дилшод Жўраев, Сирож Мелиев, Файзулла Жуманқўзиев, Рустам Абдуҳамидов, Рўзим Аҳмедов.

Захирадан майдонга тушганлар: Сардор Қобулжонов, Акобир Қаюмов, Обид Жўрабоев, Асилжон Бегимқулов, Абдухолиқ Қурбонов, Жамолиддин Убайдуллаев, Ихтиёр Тошпўлатов.

Ушбу учрашувни Ҳумоюнмирзо Иминов, Миржалол Жумаев, Александр Станисавлевич ва Александр Касьян каби футболчилар ўтказиб юборишди.