Бухоро кортларида кураш қизғин

 

Бухорода теннис бўйича "Фьючерс" туркумидаги халқаро турнирда юртимиз шарафини ҳимоя қилаётган теннисчилардан икки нафари бош соврин учун курашни давом эттирадиган бўлди.

Иккинчи давранинг энг қизиқарли баҳсида ўзбекистонлик икки теннисчи - Санжар Файзиев ва Саидаъло Саидкаримов ўзаро рўбарў келди. Бу баҳсда тажрибали бўлган Санжар 7:6, 6:0 ҳисобида зафар қучди.

Темур Исмоилов турнирдаги иккинчи учрашувини россиялик Роман Блохинга қарши ўтказди. Ўйинда ҳамюртимиз ўз устунлигини намойиш қилди ва баҳсни 6:1, 6:2 ҳисобида ўз фойдасига ҳал қилди.

 

Чорак финалда Темур Исмоилов қозоғистонлик Дмитрий Попко билан куч синашса, Санжар Файзиев украинлик Вадим Урсуга қарши кортга чиқади.

SPORTS.uz

Фикрлар

Фикр қолдириш учун авторизациядан ўтинг!