“Бухоро” “Шўртан”ни мағлуб этиб, мавсумни тўртинчи ўрин билан якунлади

Олий Лига сўнгги турида “Бухоро” ўз майдонида Ғузорнинг “Шўртан” клубини қабул қилди. Қизиқарли кечган баҳсда бухороликлар 3:1 ҳисобида зафар қучди.

Учрашувдаги илк голга 28-дақиқада Маъруф Муродов муаллифлик қилиб, ғузорликларни олдинга олиб чиққан бўлса, 30-дақиқада Азиз Абрагимов ҳисобни тенглаштирди.

Танаффус арафасида эса Вадим Чемиртан (45’) мезбонларни олдинга олиб чиқди. Иккинчи бўлимнинг 55-дақиқасида Шавкат Саломов “Бухоро”нинг 3-голига муаллифлик қилиб, якуний натижани ўрнатди.

Шундай қилиб, “Бухоро” очколари сонини 58 тага етказиб, мавсумни 4-ўрин билан якунлади. “Шўртан” эса 35 очко билан турнир жадвалининг 9-поғонасидан ўрин олди.

Олий Лига 30-тур
23.11.2016

“Бухоро” – “Шўртан” - 3 : 1 (2 : 1, 1 : 0)

Голлар: Азиз Абрагимов 30, Вадим Чемиртан 45, Шавкат Саломов 55 – Маъруф Муродов 28
Четлатиш: Игор Таран 68

“Бухоро”: 25.Шоҳжаҳон Насимов, 23, Александр Мерзляков, 33.Бобур Омонов, 55.Шавкат Муллажонов, 93.Максимилиан Фомин, 10.Шавкат Саломов (7.Суҳроб Неъматов 60), 11.Санъат Шихов, 61.Азиз Ибрагимов, 67.Алишер Саноев, 8.Саламат Қутибоев, 70.Вадим Чемиртан (18.Баҳодир Пардаев 65).

Шўртан”: 14.Умар Эшмуродов, 3.Ҳасан Эргашев, 48.Вусол Магерамов, 17.Ғулом Раҳмонов, 18.Элдор Бойматов, 19.Маъруфхон Муродов, 7.Олимжон Каримов, 8.Суннатулла Мамадалиев, 93, Алибек Туробов, 11.Зафар Полвонов, 9.Игорь Таран.

Матнда хатолик топсангиз, ўша хатони белгилаб, бизга жўнатинг (Ctrl + Enter)