Бухоролик мухлислар Навоийга йўл олади
Ads

 

Кубок учрашувидан сўнг "Бухоро" жамоаси навбатдаги турга тайёргарликни бошлаб юборди. 4-тур доирасида "Бухоро" Навоийнинг "Қизилқум" жамоаси меҳмони бўлади.

Ушбу учрашувда ҳар иккала жамоага ижобий натижа сув ва ҳаводек зарур. Шу сабабли ушбу учрашувга қизиқиш жуда юқори. Бухоролик мухлислар жамоани қўллаб-қувватлаш мақсадида Навоийга сафар қилишади.

"Қизилқум" – "Бухоро" учрашуви 31 март куни бўлиб ўтади. Айнан шу куни Бухоро шаҳридан мухлислар автобусларда Навоий томон йўлга чиқишади. Ушбу учрашувга боришни хоҳловчи барча мухлисларни бугундан бошлаб рўйхатга олиш жараёни бошланади.