"Бузоқдан олдин қозиқ қоқилмас": Мексикалик футболчи "Андижон"га келмайдиган бўлди

Бир неча кун олдин "Андижон" футболчи клуби расмий саҳифси орқали жамоага мексикалик футболчи Марко Буэно келиши ҳақида хабар берган эди.

Биласиз, бугундан Ўзбекистонда қишки трансфер ойнаси ёпилди. «Андижон» футбол клубига керакли ҳужжатлар ўз вақтида тақдим этилмаганлиги сабабли, ушбу трансфер амалга ошмай қолди. Бу ҳақда "бургутлар"нинг расмий "Телеграм" канали маълум қилди.

Марко Буэно Мексика терма жамоасининг турли ёшдаги терма жамоаларида тўп сурган. 2011 йилда Марко Буэно Мексика U-17 терма жамоаси билан биргаликда жаҳон чемпионига айланган. 

Фикрлар

Фикр қолдириш учун авторизациядан ўтинг!