"CAFA futsal cup 2023" bugun start oladi! O‘zbekiston terma jamoasiga kimlar raqiblik qiladi?

Xabaringiz bor, bugun Tojikiston poytaxti Dushanbe shahrida futzal bo‘yicha Markaziy Osiyo kubogi start oladi. Unda, Bahodir Ahmedov shogirdlaridan tashqari, Eron, Qirg‘iziston, Turkmaniston, Afg‘oniston va Tojikiston terma jamoalari ishtirok etadi.

6 jamoa bir guruhdan o‘rin egallagan xolda, o‘zaro o‘yinlar o‘tkazadi. Yakunda eng ko‘p ochko jamg‘argan jamoa musobaqa g‘olibligini qo‘lga kiritadi. Vakillarimiz o‘zining ilk o‘yinini bugun parket egalariga qarshi o‘tkazadi. Bahs Toshkent vaqti bilan 18:00 da boshlanadi. Terma jamoamiz oq libosda harakat qiladi.

E’tiborli tomoni, bu bahslarni barchasini SPORT telekanali jonli efirda namoyish etadi. Bahodir Ahmedov boshchiligidagi futzal termamizga nufuzli musobaqa oldidan g‘alab va zafarlar yor bo‘lishini tilab qolamiz.