Cалох: “Агар келишув бўлмаса, кетишни ўйлагандим”

"Ливерпуль" юлдузи Муҳаммад Салох янги шартнома борасидаги музокаралар қандай ўтганини очиқлади. Эслатиб ўтамиз, апрель ойида мисрлик футболчи клуб билан икки йиллик янги келишув имзолади.

— Шартнома узайтирилиши бўйича ноаниқлик, журналистлар ва мухлислар томонидан ҳар ҳафта берилаётган саволлар билан яшаш қийин бўлмадими?

— Аслида, бу менга фойда берди, чунки ҳаётимдаги энг яхши статистик мавсуми шу бўлди (кулади). Эҳтимол, бу ердаги сўнгги мавсуми бўлиши ҳақидаги ўйлар менда катта мотивация уйғотди. Ҳар нарсани охиригача бериб, ваъда қилганимдек чемпионликни олишга ҳаракат қилдим. Ўша пайтларда шундай ўйлар бор эди: агар клуб мен билан шартнома узайтиришни истамаса, ҳеч қандай муаммо йўқ, мавсумни яхши тугатаман ва ортиқча гап-сўзларсиз кетаман.

— Ростдан ҳам кетиш ҳақида ўйладингизми?

— Ҳа, бу эҳтимолдан ҳоли эмасди. Мавсум давомида жуда қаттиқ меҳнат қилдик, музокаралар ҳам осон кечмади. Аммо охири яхшилик билан якунланди: биз чемпион бўлдик ва мен яна икки йилга шу ерда қоламан, – деди мерсесайдликлар юлдузи.