Чарльз Оливейра Ислом Махачевнинг таклифига жавоб қайтарди

Енгил вазн тоифасида UFC’нинг собиқ чемпиони бразилиялик Чарльз Оливейра енгил вазн тоифасида амалдаги UFC’нинг чемпиони россиялик Ислом Махачевнинг таклифига жавоб қайтарди. Аввалроқ Ислом Чарльзни Доғистонда у билан бирга йиғин ўтказишга таклиф қилганди.

“Мен Исломга ушбу таклифи учун миннатдорчилик билдираман, лекин ўзимни Chute Boxe спорт залимни танлайман ва бошқа жойларда машғулот ўтказишни истамайман”, - дея Оливейранинг сўзларидан иқтибос келтиради BandSports портали.

Эслатиб ўтамиз, Чарльз Оливейра 13 апрель куни UFC 300 турнири доирасида бўлиб ўтган сўнгги жангида арманистонлик Арман Царукян билан тўқнаш келган эди. Жанг уч раунд давом этди ва унда ҳакамларнинг қарори билан Царукян ғалаба қозонди.

Чарльз Оливейра ўзининг профессионал фаолияти давомида 34 та ғалаба ва 10 та мағлубият қайд этган. У 2021 йилнинг майидан 2022 йилнинг майигача енгил вазн тоифасида UFC чемпиони бўлган.