Чеферин: 48 жамоа иштирок этадиган Жаҳон чемпионатига 2-3та давлат мезбонлик қилиши мумкин

УЕФА президенти Александер Чеферин ФИФАнинг 2026 йилги мундиалдан бошлаб иштирокчи давлатлар сонини 32тадан 48тагача кўпайтириш қарорига нисбатан ўз ғояларини илгари сурди.
"Мен Европада ўтадиган мундиалга 2-3та мамлакат мезбонлик қила олади деб ҳисоблайман. Бу рўйхатни АҚШ ва Хитой ҳам тўлдириши мумкин", - дейди Чеферин Goal нашрига берган интервьюсида.

Эслатиб ўтамиз, ФИФА иштирокчилар сонини 48тага етказиш қарорини шу йилнинг 10 январь кунги конгрессида қабул қилган эди.