“Челси” Абрахамни қайтаради

Жозе Моуриньо қўл остида тўпурарлик маҳоратини оширган Тэмми Абрахамнинг харидорлари сафи кенгайиб бормоқда.

24 ёшли ҳужумчини “Манчестер Юнайтед” ва “Тоттенхэи” ўз сафига чорлаётган эди. Энди бу футболчини тарбиялаган “Челси” ҳам четда қолиб кетишни истамади.

Аслида “аристократлар”да Абрахамни 2023 йилнинг ёзида 80 миллион еврога қайта сотиб олиш ҳуқуқи бор. Яқинда римликлар ўз тўпурарини айнан 80 миллион еврога қўйиб юборишга тайёрлигини билдирганидан кейин “Челси” мутасаддилари бу трансферни кейинги йилга қолдирмасликка қарор қилди.

Тэмми 2019-2021 йиллар давомида лондонликлар сафида 56 та учрашувда 21 та тўп киритган бўлса-да, асосий таркиб ҳужумчисига айлана олмаганди. Ҳозир “Челси”нинг ўзи тўпурар ҳужумчига эҳтиёж сезмоқда.