Ads

Лондоннинг "Челси" клуби ўз тарбияланувчиси ҳисобланган Каллум Хадсон-Одоини жамоада қолишшга кўндирди. Бу ҳақда Evening Standard нашри хабар бермоқда.

Унга кўра томонлар яқин вақтлар ичида ўзаро 5 йиллик шартнома имзолайди. Таъкидлаш керакки, “аристократлар” раҳбарияти музокаралар давомида 18 ёшли англиялик футболчига Эден Азардан бўшайдиган 10-рақамни айнан унга беришни ваъда қилишган.

Маълумот учун, Хадсон-Одои ўтган мавсум “Челси” сафида жами 24та ўйинда майдонга тушиб, ўз ҳисобига 4та гол ёздириб қўйишга эришди. Унинг клуб билан амалдаги шартномаси эса 2020 йилга қадар имзоланган.